Agerraldi horretan Eusko Legebiltzarreko ordezkariei eskatu zieten Euskal Autonomia Erkidego osoko ikastetxeetara zabaltzea Bizipoza Eskola. Hori gauzagarri egite aldera, zenbait neurriri buruz hitz egin zuten: Eusko Jaurlaritzako Hezkuntza Saila eta Bizipoza lankidetzan aritzea; egitasmoaren eraginkortasuna bermatzea; bizipozaeskola.eus atari digitala osatzea; Bizipoza Eskolak jasotzen ez dituen errealitateak aztertzea eta horiek lantzen dituzten elkarteekin harremantzea; EAEko hezkuntza sistema guztiekin loturak indartzea; eta batzordera eramandako proiektu hori bideragarria izate aldera, erakundeak bere aurrekontu proposamenean jasotzea.
Bizipozako kideek nabarmendu dute "denona eta denontzat beharko lukeen gizarte inklusiboa" eraikitzen jarraituko dutela, "euskaratik eta euskaraz".