Erketz Euskal Dantza Taldeko kideek urteroko (edo ia urteroko, iaz euriagatik bertan behera utzi behar izan baitzuten ekimena) ohitura berrituko dute hilaren 24an, herrian barrena Gabon eskean aterata. 15:30ean abiatuko dira euren lokaletik (Oriamendi plaza). Bi egun lehenago entseatuko dute, egoitzan bertan, 20:00etatik aurrera. Beraiekin atera nahi duen oro animatu dute bertaratzera.