Lehenean, hilaren 14an, San Marinoren aurka neurtu zituzten indarrak gorri-horiek Lugon (Galizia). Hasieratik nagusi izan zen Espainia eta ez zion aukerarik eman aurkariari; 7-0 gailendu ziren. Lehenengoz maila horretako hamaikakoan izan zen herriko defentsa.
Errumaniaren aurka, aldiz, hilaren 18an aritu ziren 21 urtez azpiko kideak Sibiu-n (Errumanian). Neurketa borrokatua izan zen baina Espainiako taldeak ongi baliatu zituen aukerak eta 0-2 irabazi zuen. Martin partida erabakia zegoela sartu zen zelaian eta emaitza mantentzeko lana egin zuen.
Saikapen fasean Espainiako selekzioak bost neurketa lehiatu eta guztiak irabazi ditu. Ondorioaz A multzoko lehen postuan da. Hurrengo jardunaldiak 2026ko martxoan lehiatuko ditu; Chipre eta Kosovo izango dira aurkariak.