Zuri-urdinen erregional taldeak Michelin kirol gunean hartu zuen Orereta Kafea FC. Gorka Britek zuzentzen duen taldea nagusi izan zen eta aurkariak azken minutuan sartutako golak 3-1 utzi zuen markagailua.
Donostiako Puio zelaian, aldiz, 1. multzoko Gorengo Mailako lehia izan zen; Ostadar SKTk Axularren aurka neurtu zituen indarrak. Lehen zatian urdin-beltzek ez zuten jokoan ezta atea aurrean asmatu ere. Bigarren zatia hasi eta gutxira, aldiz, gola egin zuen. Tamalez, Axularrek berdinketa lortu zuen. Ostadarrek ez zuen amore eman eta aurkaria estutuz penaltia lortu zuen. Horren bidez, 1-2koa jarri zuen. Azken minutuetan jokalari bat gutxiagorekin geratu ziren urdin-beltzak, baina ongi jokatuz, horrek ez zuen emaitzan eraginik izan.
Derbian garaipena
Bestalde, Jon Martinek Real Sociedad eta Athletic Cluben arteko derbia lehiatu zuen hilaren 1ean. Martin hamaikakoan izan zen eta defentsa lan ederra egin zuen norgehiagokan. Neurketa zirraragarria izan zen; zuri-gorriak atzetik joan ziren partida osoan zehar eta azken minutuan, txuri-urdinek 3-2 irabazi zuten.
