Hurrengo astean Lurdes Iriondo, ez gera alferrik pasako dokumentala herrian estreinatuko dute, taldekideekin batera, Inge Mendioroz Ibañez zuzendariak eta Idoia Garzes Aldazabal gidoigileak, lasarteoriatarrak biak ere. Emanaldi hori ere 20:00etan hasiko da eta sarrerek 6 euro balio dituzte.
Okendo Zinema Taldeak jakinarazi duenez, 'Karmele' filma proiektatuko du gaur iluntzean, kultur etxeko auditorioan, 20:00etatik aurrera. Emanaldiaren ostean, pelikula ikustera joan direnek Asier Altuna zuzendariarekin hitz egiteko eta ikus-entzunezkoaren barrunbeak ezagutzeko aukera bikaina izango dute. Sarrerek 6 euro balio dute eta sarean nahiz kultur etxeko leihatilan eros ditzakete herritarrek.