Andatza plaza, Lasarte-Oria
Hiru hamarkada baino gehiago dituzten autoen eta motorren jabeak elkartu egin dira, Clasicox elkartea eratu dute eta udalarekin lankidetzan antolatu dute aurreneko ekimena: topaketa egingo dute hilaren 16an, igandearekin, Andatza plazan. Mota bateko zein besteko ehun ibilgailu klasiko inguru biltzea espero dute eta 10:00etan ekingo diote arratsaldera arte luzatuko den egitarauari. Herritarrak animatu dituzte bertaratzera, batez ere haur txikiak dituztenak, ezaugarri horietako autoak eta motorrak nolakoak diren ezagutzeko.
- 10:00etatik 11:00etara, ibilgailuei eta gidariei harrera, Andatza plazan.
- 10:00etatik 13:30era, ibilgailu klasikoen erakusketa, Andatza plazan. Haurrek aukera izango dute Scalextric-ean jokatzeko.
- 11:30etik 13:30era, musikarekin girotuko du ekimena DJ Nikok.
- 13:15ean, erakusketako sariak banatuko dituzte antolatzaileek.
- 13:30ean, ibilgailu klasikoen ibilaldia, Lasarteko Zirkuitura iritsi arte.
- 15:00etan, bazkaria, Hernaniko Jauregi jatetxean (hautazkoa).