Afaria antolatu dute Xirimiri elkartean, Gau Beltza ospatzeko

Txintxarri Aldizkaria 2025ko urr. 30a, 09:00

Herritarrek urte batzuk daramate Gau Beltza ospatzen. Irudian, Zabaleta auzoan iaz egin zuten beldur ibilbidea.

Urriko azken gaua beldurgarria izango da, arimak eta bestelako izakiak udalerrira jaitsiko direlako. Gau berezi hori ospatze aldera, Sorgin Jaiak-eko kideek jakinarazi dute afaria egingo dutela Xirimiri elkartean, 21:30etik aurrera. Animatzen den herritar bakoitzak 15 euro ordaindu behar ditu. Izena emateko formulario bat jarri dute bizilagunen eskura.

Antolatzaileek eskatu dute afariagatik ordaindu beharreko 15 euroak eskudirutan eramateko. Dastatuko duten menua hauxe izango da:

Mingaina berotzeko: hummus beltza, fuet tartarra eta porru budina.
Hala bazan edo ez bazan... kalabaza txupitoa
Jarraitzeko, shhh... Sekreto iberikoa edo lasagna begetala

Kultura