Udaleko teknikariak, obraz arduratzen den I-Ingeniua enpresako eta Añarbeko langileekin batera, "modu koordinatuan" aritu ziren lanean, gorabehera "ahalik eta azkarren" konpontzeko. Jasotako informazioaren arabera, sareko presioa "bere onera etorri da" eta "ordubete inguruko epean" zerbitzuak "normaltasun osoz" funtzionatu beharko luke herri osoan.
Lasarte-Oriako Udalak Instagram sare sozialean argitaratutako oharrari erantzun zioten atzo zenbait herritarrek. Horietako zenbaitek abisua berandu eman izana egotzi zioten erakundeari. Bizilagunetako batek salatu zuenez, Arranbide auzoan 16:00etan geratu ziren urik gabe.