Aipatu eragile horren proiektuak hiru zutabe nagusi hauek ditu: lehenik, euskaltegietatik eta ikastoletatik harago euskara ikasteko espazioak sortzea; bigarrenik, hizkuntza horren aldeko jarrerak bultzatzea; eta, hirugarrenik, erabilerarako eremu berriak sortzea.
Elkartasun kilometroak
Hori horrela izanik, Erriberako eskualdean dagoen Arguedas udalerrian Santxikorrota lasterketa egin zuten hilaren 4an eta bertan parte hartu zuten gutxienez bost herritarrek. Lasterkariez gain, antolatzaileei laguntzera bertaratu ziren beste zenbait.
Bestalde, partaide horiek beraiek jakinarazi dute Errigora egitasmoaren barruko Nafar hegoaldeko uzta euskarari puzka kanpaina martxan dagoela eta Euskal Herri osoan banatuko dituzten saskiak prestatzeko auzolan eguna egingo dutela hilaren 25ean, Ablitas udalerrian. Parte hartzera animatu dituzte herritarrak.