Azpiko koadroan ikus daitekeen modura, Ostadar SKTk Ohorezko Erregional mailatik Kadetera hamar talde izango ditu aurten martxan. Urdin-beltzek ez dute ordezkarik izango Kadeteen Gorengo Mailan, baina gainerako kategorietan talde bana izango du eta kadeteetan hiru; bi mutilena eta bata neskena.
Texas Lasartearra CF taldeak berrikuntza bat du aurtengo denboraldian. Aurreko sasoian Jubenil I. Mailako taldeak lortutako igoerari esker, aurten lau talde izango dituzte lehian txuri-urdinek. Hortaz, Erregional I. mailan, Jubenilen Gorengo Mailan, Jubenilen I. mailan eta Kadete I. mailan izango dira lehian.
Eta aurten herriko taldeen arteko derbiak maila bakarrean izango dira liga erregularrean, Kadete I. Mailan. Ostadar C eta Texas Lasartearra CF taldeek bat egin dute zazpigarren multzoan; elkarren arteko lehiarekin hasiko dute liga hilaren 28an.
|
Ohorezko Erregionala
Gorengo Maila
Erregional I. Maila
Ohorezko Jubenil Maila
Jubenilen Gorengo Maila
|
Jubenilen I. Maila
Ohorezko Kadete Maila
Kadete I. Maila
|
Bien bitartean, ligari hasiera emateko Oiartzun, Hondarribia, Donostia eta Antzuolara bidaia egingo dute herriko ordezkarietako batzuk. Ostadar SKTko hiru talde izango dira bakarrik etxean jokoan Erregional I. mailako kideek Gure Txokoa izango dute aurrez aurre, Jubenil Gorengoak Hondarribia eta Ohorezko kadeteak Euskalduna. Guztiak garaipenaren bila aterako dira zelaira, horrek denboraldia indarrez hasteko balioko baitie.