Mobilizazio horren atarian EAMeko kideek zehaztapen batzuk egin zituzten Gipuzkoako Foru Aldundiko Jasangarritasun diputatu Jose Ignacio Asensiok azken asteetan esandakoen gainean; Hondakinen Legeak aurtengorako ezarritako helburua (zaborraren % 55 gaika biltzea) betetzeaz gain, lurraldean "goia jotzeko puntuan" omen dago atal hori.
Horren aurrean, ez dute ulertzen nola har dezakeen erakunde horrek erreferentziatzat Gipuzkoako bilketa. "Gobernuan EAJ eta PSE-EE daude duela bederatzi urtetatik, Asensio barne, eta tarte horretan portzentajea % 7 igo da".
"Nola esan dezakezu; Asensio jauna, goia jotzeko puntuan gaudela?", adierazi dute. "Donostiak, Irunek, Eibarrek, Elgoibarrek, Hondarribiak…, guztiek gaikako bilketa %50 inguruan edo baxuago dutenek, Beasain, Bergara, Zumarraga, Hernani mailara helduko balira hamabost puntu baino gehiago egingo luke gora gaikako bilketak Gipuzkoan".