Lasterketa bizia eta estua izan zen. Urrezko Kopa irabazi zuen Philippo/N. M. Lopes bikoak ezarri zuen erritmoa eta buruan mantendu zen bigarren itzuliko azken zuzengunera arte. Orduan Shelby/A. Gutierrez Val eta Philau/R. N. Valle bikoek hartu zuen erreleboa baina azken 100 metroetan atzetik zetozen Chergui/G. Trolley de Prevaux eta If not Now/J. Janaçek sartu ziren ere lehian eta azken hori izan zen helmugara lehena iristen.
Eguna Falastini/J. Gelaberten garaipenarekin hasi zen. Hasieratik buru jarri zen bikoa; aurkariek azken zuzengunean garailea estutu arren, ongi mantendu zuen postua.
Amateurren kopan Stellaris/I. Arizkorreta bikoak eraman zuen lasterketaren pisua, baina atzean mantendu ziren Lorea eta A. Lezamak zuzengunean erritmoa aldatu, Stellaris harrapatu eta saioa irabazi zuten.
Ostean, Gelabertek eguneko bigarren saria eskuratu zuen Bailen gidatuta; kutxetatik helmugara nagusi izan zen.
Pradesa Ingenieritza sarian, Sweet Wish/A. Lucasek Bugatiko bihurgunean probako burua hartu eta saria lortu zuten. Atzetik indartsu zetorren Portofino/M. E. Fernandez bikoa garaipenetik gertu izan zen.
Bina garaipen
Azken aurreko jardunaldian, proba azkarrak lehiatu ziren eta Music Story moxalak bizkorrena dela erakutsi zuen eguneko sari nagusian, La Zarzuela hipodromoa sarian.
Lasterketa gehienetan nagusitasunez iritsi ziren helmugara garaileak. Hala ere, laugarren eta bosgarren sarietan zuzengunearen hasieran lekua hartzeko lehiakideen arteko borrokak ikusi ahal izan ziren.
Horrez gain, Sousa zein Janaçek jockeyek bina garaipen eskuratu zituzten; baita Oscar Anaya eta Jesus Lopez prestatzaileek ere.
Hauek izan ziren 14. jardunaldiko irabazleak:
|
|
Pronostiko lehiaketako sarituak
Udako denboraldiko azken lasterketa amaitzearekin batera, Zaldi lasterketak Zaletuontzako II. Pronostiko Txapelketako sari banaketa izan zen, Hipodromoko irabazleen gunean. Sasoiko hamabi jardunaldietan zehar 82 parte-hartzaile lehiatu dira nor baino nor lehen postuetan egoteko. Lehia estua izan da eta aurtengo txapelduna Javier Vicente (Banyu Dewi) izan da. Bigarren eta hirugarren postuetan herritarrak izan dira; bigarren saria Iñaki Ituartek (Ibi) eraman du eta hirugarrena, aldiz, Aitor Sanzek (Gusanito). Laugarren postua Carlos Jimenezek (Favallu) eskuratu du.
Ez ziren horiek banatu ziren garaikur bakarrak izan. Lehenik azken jardunaldiko irabazlea igo zen taulara; Txema Encinas (Zaster of All) lasarteoriatarra. Eta Jose Martinez herritarrak ere sari berezia jaso zuen antolatzaileen eskutik.