K1 saioa izan zuen hilaren 5ean: sailkapen proban hemeretzigarren marka egin zuen olinpiar dominadunak (118,57) eta finalerdietarako sailkatu arren, aipatu gaixotasunak sortutako ahuleziarengatik ezin izan zuen lehiatu.
Kayak krosean, hilaren 7an, bakarkako erlojupekoa 28. postuan amaitu zuen, 78,03 markarekin eta lauko lehen kanporaketan kanpoan geratu zen herritarra.
Chourrautek Augsburgeko jardunalditik etekin gutxi atera arren, txapelketako bost proben baturak kayak kroseko sailkapen orokorrean zortzigarren postuan kokatu du Lasarte-Oriako palista.
Munduko kopa lehiatu ostean, Australian urria hasieran jokatuko den Munduko txapelketari egoera onenean aurre egiteko egingo du herritarrak.