Getxoko Estropaden XVII.Ikurriña-J.A. Agirre Lehendakariaren XXI. Omenaldia lehiatu zen hilaren 26an, Bizkaiko herrian.
Orioko estropadan gertatutakoa ahazteko Lugañenek hasieratik egin zuen borroka eta nagusi izan zen hasieratik. Estropadako buru jarri zen eta pixkanaka aldea handitu zuen atzetik zetozen Tolosaldea eta Orio Orialkirekin. Ziabogan zortzi segundoko aldea atera zien jarraitzaileei eta helmugan, aldiz, hamabi Tolosaldeari eta hamalau Oriori. Eta horri esker, Ligako sailkapenean buru zen berriro.
Donostiarrak, aldiz, Astillero eta Zumaiaren parean egin zituen lehen txandako hasieran baina atzeraka geratu zen eta ziaboga ona eginez, berriro ere zumaiarrak harrapatu zituen. Lehia estua izan zuten bi ontziek eta azkenean, hirugarren izan zen; sailkapen orokorrean zazpigarren.
Lehia estua
CaixaBank banderan, Lugañeneko eskifaiak lehen luzean aurre hartu bazuen ere, ziabogatik ateratzerakoan Orio Orialki bere parean jarri eta bigarren luzean alde txikia hartu zuen. Donostia Arraun Lagunakek gogor egin zion azken metroetan eta estu iritsi ziren helmugara; mirotzek 69 ehunekorengatik eraman zuten saria.
Baina Lugañenek Tolosaldeako kalea hartu zuen itzulera egiteko eta Tolosako ontziaren jarduna oztopatzeagatik eta epaileen abixuei jaramonik egin ez egiteagatik hiru segundoko isuna jaso zuen. Beraz, azkenen marka 11.05,88 izan zen.
Hala ere, bigarren postua eskuratu zuen Lugañenek eta sailkapen nagusiko lehen postua mantendu zuen. Orio Orialki bigarren dago puntu kopuru berdinera, 57 puntu.
Lehen txandan, Donostiarrak lehen luze ederra egin zuen bigarren txandako Tolosaldearen pare egin zuen ziaboga (05.40) eta Hondarribiarekin batera atera zen biraketatik. Baina bigarren luzean ezin izan zuten aurkarien erritmoa mantendu eta azkenean saioko hirugarren izan ziren (11.15,44); probako saikapenean, seigarren. Ligan azken postuan dago egun Bantxa.