Atleta gazteak hiru proba (altuera jauzia, 100 m. lasterketa eta xabalina jaurtikea) lehiatu behar zituen arren, oinean duen min batengatik bi bakarrik egitea erabaki zuen.
Altuera jauzian 1,56 metroak gainditu zituen. Horri esker, bigarren postua eskuratu zuen hirugarrenarekin berdindua.
100 m. lasterketako finalerdietan, bere saioko lehen izan zen. Bere marka ondu (12.39) eta Espainiako txapelketarako gutxieneko berria egin zuen. Lehiaketan uztailaren 13an izango da Gijonen.
Finalean oineko minak eragin zion eta ezin izan zuen bere onena eman. Seigarren postuan amaitu zuen, 12.84 markarekin.
Eider Redondoz gain, Leire Mate (100 m. lasterketa, 13.67), Erick Didier Burballo (100 m. lasterketa, 12.95), Ivan Mateychuk (100 m. lasterketa, 12.93) eta Irati Gallego (600 m. lasterketa) taldekideak ere. Lehen hirurak finalerdietan lehiatu ziren; Gallegok, aldiz, finalean seigarren postua eskuratu zuen.
Luzera jauzian lehen
Proba libreak izan ziren Arrasaten. Ostadar SKTko Iraia Alkorta, Maider Abete eta Naroa Furundarena kideek parte hartu zuten eta Furundarenak luzera jauziko lehen postua lortu zuen, 5,69 metroko jauziarekin.
Alkorta, berriz, 100 m. lasterketako finalean izan zen eta laugarren ( 12.75) izan zen helmugan. Abetek, aldiz, 12.87 egin zuen bere kanporaketan.
Asteburu honetan, hilaren 28 eta 29a, herriko ordezkariek maila absolutuko Euskadiko txapelketa jokatuko dute.