Donostiako Kote Olaizola estadioan lehiatu zen Gipuzkoako txapelketa. Herritarren artean Ostadar Atletismo taldeko kideak izan dira podiumera igo direnak, baina ez dira bakarrak finaletan parte hartu dutenak.
Honakoak izan ziren emaitzak:
|
|
Nabarmentzekoa da luzera jauzian Ostadarrek lortutako balentria. Lehenengoz podiuma talde urdin-beltzeko kideez bete zen; Naroa Furundarena, Enara Gonzalez eta Eider Redondo izan ziren atletak.
Redondok gainera, marka ondu zuen (5,69 m.) eta uztailean Gijonen lehiatuko den 16 urtez azpiko Espainiako txapelketarako gutxienekoa eskuratu zuen. Ez zen Redondok lortutako gutxieneko bakarra izan, 100 m. hesietan ere egin baitzuen atleta gazteak.
Lehen postuetan
Maiatzaren 31n, Gasteizen, Euskadiko Eskolarteko Kirol Jokoetan Gipuzkoako selekzioarekin lehiatu ziren herritarrak. Real Sociedad taldeko Alaia Romero eta Ostadar Atletismo taldeko Ameli Flores, Iker Ibea, Aitor Martin, Xuban Corman eta Iban Carrascosa lehen postuetan izan ziren eta podiumera igo ziren gehienak:
|
|
Ostadarreko arduradunek nabarmendu modura, "pozarren gaude. Taldeko hainbeste kirolarik Kirol Jokoetan parte hartzen duten lehen aldia da eta nabarmentzekoa da guztiek euren probetan egindako lana".