Gainerako entseguak hilaren 5, 10, 12, 17 eta 19an izango dira, toki eta ordu berean. Bestalde, Ttakun KEko kideek gogorarazi dute zabalik dagoela zortzikote gaztean izena emateko epea. DBH1 ikasmailan dauden ikasleak animatu dituzte parte hartzera. Interesa dutenek euren izen-abizenak zehaztu behar dituzte eta gurasoren batekin harremanetan jartzeko telefono zenbakia eman. 695 78 53 89 telefono zenbakira deituta edo WhatsApp mezu bat idatzita jaso dezakete informazio gehiago.
Aurtengo sanpedroak hilaren 26tik 30era ospatuko ditugu. Aurreneko festa egunean egingo dute Sorgin Dantza, arratsaldean, Oria auzotik abiatuta, eta ohi bezala entsegu batzuk antolatu ditu Ttakun Kultur Elkarteak, ekitaldi ikoniko horretan parte hartzen dutenek egin beharrekoa oroitu eta freskatu dezaten. Aurreneko saioa gaur arratsaldean egingo dute, Okendo plazan, 20:00etatik aurrera. Eguraldi txarra egiten badu Sasoeta LH eraikineko patio estalira joango dira.