Bestalde, Puzzlea osatu arte ekimenaren balorazioa egingo dute. Balorazio "oso positiboa" egin dute orain arte, erregimen itxian espetxealdia betetzen ari diren presoak dituzten 28 herrietan aurrera eramandako mobilizazioetan 2.500 pertsonak parte hartu dutelako.
Apirilean egindako etenaldiaren ostean, Lasarte-Oriako Sarek iragarri du Azken Ostirala ekimenari eutsiko diola berriro eta gaur (hilak 30) egingo duela manifestazioa, ohiko ibilbidearekin: Elizatzetik abiatu, Kale Nagusia eta Hipodromo etorbidea zeharkatu eta Okendo enparantzara iritsi. Plaza horretan borobila egin eta Etxerat elkartearekin adostutako manifestua irakurriko dute, besteak beste, hemeretzi urteko espetxealdiaren ondoren eragile horretan lan egin eta hil berri den Gloria Rekarte oroitzeko.