Erabaki hori hartu duen Tokiko Batzorde Betearazlea honako alderdikide hauek osatu dute: Iñaki Mugica (lehendakaria), Nuria Fernandez (idazkaria), Lourdes Palacios (antolaketako idazkaria), Iñigo Zabaleta (idazkari instituzionala), Agustin Valdivia, Maite Iglesias, Jose Mari Urdanpilleta, Pepi Lopez de la Concepcion eta Julen Etxeberria. Aurrera eramandako batzar horrekin amaitutzat eman dute PSOE alderdiaren 41. kongresuarekin eta Euskadiko eta Gipuzkoako hamargarren biltzarrekin herrian ekin zuten prozesua.
Batzarra egin du Lasarte-Oriako PSE-EEk eta elkartu diren kideek erabaki dute Nuria Fernandez izango dela aurrerantzean idazkari nagusia, Iñaki Mugicaren lekukoa hartuta. Lasarte-Oriako Udaleko lehenengo alkateordea da, alderdi sozialistako zinegotzia eta Sozioekonomia departamentuko burua. Horrez gain, talde politikoko administrazio idazkari lanak egin ditu orain arte. Abokatu ikasketak ditu eta UGT sindikatuan lan egin zuen hainbat urtez.