Kale Nagusia eta Goikaleko 21. zenbakia lotuko ditu igogailuak. Hamalau metroko desnibela gaindituko du azpiegitura horrek eta bertikala eta panoramikoa izango da. Halaber, beira ijeztuz estalitako egitura metalikoa izango du eta ibilbidea osorik ikusiko dute herritarrek kanpotik. Goiko lehorreratzea 14,5 metro luze izango dituen zaldain baten bidez egingo dutela aurreratu du udalak: bi eta bost metro arteko zabalera izango du. Esku hartze horrekin udalerri "irisgarriagoa, erosoagoa eta kohesionatuagoa" egin nahi du udalak.
Azpiegitura horren bidez udalerriaren goialdean dauden kale eta auzoak irisgarriago izatea nahi du Lasarte-Oriako Udalak. Obra zazpi hilabetetan amaitzea aurreikusi du eta jakinarazi du 878.574,72 eurokoa izango dela aurrekontua eta lanak Zubieder eta Sukia enpresek osatutako ABEE Aldi Baterako Enpresa Elkartzeak gauzatuko dituela.