Danborradarako materiala mantendu eta berria erosteko nahikoa diru izate aldera, ATLOkoek errifa bat antolatu ohi dute. Horregatik, izena emateko unean 8 euro ordaindu beharko ditu inskribatzen den haur bakoitzak, eta, trukean, bizikleta bat irabazteko zozketan sartuko da, zortzi txartel zenbakidun eskuratuta.
ATLOko kideek aurreratu dute gaztetxoen aurtengo danborrada ekainaren 28an izango dela. San Pedro Jaiak ohi baino goizago ospatuko ditugu aurten, ekainaren 26tik 30era arte (bi egunak barne).