Berdintasun handiko partida izan zen. Lehen zatian VRAC joan zen beti aurretik, baina hain gertu zeuden markagailuan portugaldarrak ezen, bigarren zatian lisboarrek hartu zutela partidaren gidaritza. Hala ere, etxekoek ez zuten utzi errenta handitzea eta azken minutuan, entsegu bati esker Valladolideko taldeak berdinketa eta luzapena jokatzea lortu zuen. Horretan ere, borroka ederrak izan ziren puntuak eskuratzeko eta azken mintuetan erabaki zen garailea. Entsegu eta gauzatze bati esker, 43-39 VRACek zortzigarrenez altxa zuen kopa eta Saleta herritarrak lehenengoz.
Alex Saleta herritarrak hasieratik jokatu zuen neurketa eta defentsa zein erasoan lan ederra egin zuen.
Liga eta kopa
VRACek liga amaiera du orain aurretik; Ohorezko Mailako azken jardunaldia faltan, bere multzoko lehen postuan da eta liga jokatzeko azken faserako sailkatua dago matematikoki. Maiatzean, aldiz, NTT Data Espainiako kopako finala borrokatuko dute INEXO EL Salvador taldearen aurka.