Hileko afaria antolatzeko, janari bilketa egin dute

Aurtengo urtarrilean hasitako martxari jarraiki, Lasarte-Oria Elkartasun Sareak janari bilketa antolatu du, larunbat goizean. Batetik; ogia, barazkiak, fruta, lekaleak, aroza, pasta, esnea, txokolate hautsa, eta abar. Bestetik; mantak, lo zakuak, bufandak, eskularruak, eta orotariko jantziak. Herritarrek baliabide eta elikagai horiek bildu dituzte Donostiako Afari Solidarioak egitasmoari laguntzeko asmoz. Jasotakoarekin hilaren 29an Donostian banatuko dituzten afariak prestatuko dituzte, eta kale egoeran bizi direnei, jaten eman. Bilketarekin batera, antolatzaileek arestian aipatutako afarira kozinatzen laguntzera etortzea gonbidatu dituzte herritarrak.