Herriko igerilariak, bikain Gipuzkoako Kluben Kopan

Txintxarri Aldizkaria 2025ko api. 3a, 11:30

Gipuzkoako Kluben Kopan parte hartu zuten Buruntzaldea IKTko igerilariak. Arg.: Buruntzaldea IKT.

Buruntzaldea IKTko igerilariak zein Bidasoa XXI taldean dagoen Iñaki Garcia herritarra Gipuzkoako Kluben Kopako lehian izan ziren martxoren 29an eta 30ean. Tolosako Usabal kiroldegian batu ziren Gipuzkoako igeriketa taldeak. Garcia lehen postuetan izan zen bai bakarka baita erreleboetan ere; Buruntzaldea IKTko kideak ere ez ziren atzeaz geratu eta marka pertsonal ugari ondu zituzten

Buruntzaldea IKT sailkapen orokorrean zortzigarren postuan sailkatu zen; mutilak 9. postuan eta 10. postuan emakumeak. Baina probako podiumean izan zen herritarrik; Iñaki Garcia herritarrak Bidasoa XXI taldearekin lortu zuen garaipena bai sailkapen orokorrean, baita gizonezko lehian ere

Garciak bakarka –50 m. libre eta 50 m. zein 100 m. bular – zein erreleboko lau probetan parte hartu zuen eta lehen postuetan izan zen guztietan.

Markak eta agurra

Buruntzaldea IKTko hamahiru kidek ere parte hartu zuten hitzordu garrantzitsuan. Lan ederra egin zuten igerilariek eta gehienek, Irati Etxeberria izan ezik, euren markak ondu zituzte proba batean baino gehiagotan:

Garazi Etxeberria: 100 m. bular (3º) eta
100 m. lau estilo (3º).
Iker Gorostegi: 200 m. lau estilo (3º) eta
200 m. tximeleta (1º).
Miren Sarobe: 100 m. zein 400 m. lau estilo eta
200 m. tximeleta.
Mayi Gorostegi: 200 bizkar eta 400 m. lau estilo.
Oihan Matute: 100 m. eta 200 m. bular (3º) eta
400 m. lau estilo.
Mario Amantegi: 200 m. libre, 100 m. lau estilo eta 50 m. libre.

Ibon Elola: 50 m., 100 m. zein 200 m. bizkar eta 100 m. libre.
Kimetz de la Cruz: 50 m. eta 100 m. bizkar eta 200 m. libre.
Amaiur Iparragirre: 200 m. lau estilo, 50 m. tximeleta eta 800 m. libre.
Nora Miguelez: 50 m., 100 m. eta 200 m. bular eta
400 m. libre.
Ane Meyer: 50 m., 100 m. eta 200 m. libre eta 50 m. bular.
Ander Martinez: 50 m. libre, 50 m. bular, 200 m. lau estilo eta 200 m. bular.

Horrez gain, lehen postuetan ere izan ziren. Aurreko zerrendan nabarmendutako Iker Gorostegiren garaipena eta Garazi Etxeberria zein Oihan Matuteren hirugarren postuez gain, Etxeberria hirugarren izan zen 200 m. tximeletan ere; Miren Sarobek laugarren amaitu zuen 200 m. lau estilo saioan eta emakumeen 4x50 m. libre erreleboa zein mutilen 4x100 m. libre, 4x50 m. eta 4x100 m. libre estilo erreleboak ere podiumetik maila batera geratu ziren.

Igeriketa taldeko prestatzaileak zapore gazi-gozoa daude txapelketa horren ostean, pozarren daude igerilariek egindako lanarekin eta txapelketan lortutako emaitzekin, baina baja garrantzitsu bat izango dute; Garazi Etxeberria igerilariaren azken txapelketa izan zen. "Hainbat eta hainbat urtetan gure taldean maila benetan altuan lehiatzen egon ondoren, igeriketa bigarren plano batean uztea erabaki du Garazik. Asko botako ditugu faltan bere konpromiso, alaitasun eta leialtasuna", adierazi dute. Eta bere ibilbide berrian zorte ona ere opa diote.

Teknifikazio saioa

Bestalde, Buruntzaldea IKTko Aitor Ormazabal alebin mailako teknifikazio saioan izan zen, Donostiako Paco Yoldin. Gipuzkoako Federazioak antolatuta, Gipuzkoa osoko 2012 urteko 26 neska-mutil eta 2013 urteko 25 neska-mutil elkartu ziren entrenatu bateratua egiteko. Lehorreko ariketak egin zituzten lehenik eta ostean, uretara egin zuten salto.

Ormazabalek esperientzia berria gozatzeko aukera izan zuen, baita lehen aldiz igerileku luzean entrenatzekoa ere.

Txikiak lehian

Ormazabalek eta alebin mailako taldekideek ligako jardunaldi berria izango dute hilaren 5ean. Hernaniko kiroldegian seigarren jardunaldia jokatuko dute. Aurretik, taldeko benjaminek jaialdiko bosgarren saioan parte hartuko dute.

Kirola