Martxoaren 15ean, Hondarribian izan ziren lehian. Lugañenek denbora onena egin zuen jaitsieran, 15.00,18 eta bandera eraman zuen. Bigarren Tolosaldea izan zen eta hirugarren Orio Orialki.
Hamabost egun geroago, bigarren postuarekin konformatu behar izan zuen Pasai San Pedron. Erlojupeko proban, Tolosaldea izan zen garaile (11.08) eta zortzi segundora iritsi zen (11.12) herritarrak kide dituen trainerua. Hirugarren berriro Orio Orialki sailkatu zen.
Ekainean dituzten Gipuzkoako zein Euskadiko txapelketetarako eta Ligarako aurkarien egoera ezagutzeko baliagarri izan dira proba horiek. San Pedroko lehian, esate baterako, Euskotren Ligako zortzi ontziak izan ziren lehian.
Aulki mugikorra eta ergometroa
Bestalde, Ur Kirolak taldeko kide Eneko Mendizabalek ergometroko Espainiako Txapelketan parte hartu zuen martxoaren 15ean. Herritarra paralinpiko mailan parte hartu zuen eta bosgarren postuan sailkatu zen; azken denbora 09.24
Eta Gipuzkoako zein Euskal federakuntzek antolatutako aulki mugikorreko proba eta ligetan ere lehian ari da herritarra. Azken hitzordua, aulki mugikorreko norgehiagoka izan da. Martxoaren 30ean jokatu zuten Legution (Araban) eta Ur Kiroleko bi ordezkariak lehen eta hirugarren postuan amaitu zuten lehia.