Lau herritar 12 eta 14 urtez azpiko Erkidegoen arteko Espainiako txapelketa ari dira jokatzen

Txintxarri Aldizkaria 2025ko api. 2a, 10:30

Euskadiko Selekzioarekin lehian ari diren Eguzki AFko kideak. Arg.: EFF

12 eta 14 urteko Erkidegoen arteko Espainiako Txapelketa jokoan da. Atzo hasi eta hilaren 6ra arte Blanesen (Katalunia) bilduko dira maila horietako areto futbol jokalariak. Euskadiko selekzioak ere maila bakoitzeko talde bat aurkeztu du eta Eguzki Areto futbol taldeko lau gazte daude horietan

12 urtez azpiko taldea dagoenbeko kantxan da. Goizeko 9:30ean hasi du lehia eta Josu Garcia herritarra hasierako bostekoan egon da. Garciaz gain, Peru Azkarate eta Unai Berasategi ere daude talde horretan eta hiru neurketa jokatuko dituzte multzoen fasean:

12 urtez azpikoen neurketak – A Multzoa

1J 04/02 - 09:30

Euskadi - Galizia

2J 04/03 - 09:30

Euskadi – Gaztela-Mantxa

3J 04/04 - 09:30

Euskadi - Aragoi

Gaztetxoen taldean, aldiz, Telmo Aranzadi herritarra dugu. Astelehenean beste multzo batzuetako lehiak hasi baziren ere, Aranzadik gaur 11:00etan hasiko du lehia. Honakoak dira jokatuko dituzten partidak:

14 urtez azpikoen neurketak – B Multzoa

1J 04/02 - 11:00

Valentziako Autonomia Erkidegoa- Euskadi

2J 04/03 - 13:00

Euskadi - Extremadura 

3J 04/04 - 13.00

Euskadi - Errioxa 

Neurketa guztiak jokatu ostean, sailkapeneko buru den taldeak apirilaren 5ean jokatuko diren finalerdietarako txartela eskuratuko du.