Lau tauletan berdinketa lortu zuten Miguel Maria Baroja, Pablo Arrondo, Iñaki Etxeberria eta Erlantz Sanchezek. Bi puntu gehiago lortu eta Beraun Bera B zein Zaleak A berrien zain geratu ziren herriko ordezkariak.
Bi talde horiek ere bina berdindu zutenez, Lasarte-Oriako taldeak lehen postua mantendu eta ondorioz, II. mailako txapelketa eta I. mailarako igoera zuzena eskuratu ditu.
Txapelketa ederra
Aparteko txapelketa egin du Taulako A taldeak fase erregularren lehen postuan sailkatu zen eta igoerako lehian postua mantentzea lortu du.
Taula Xake Klubeko arduradunak pozarren daude taldeko ligan eskuratutako emaitzekin. Denboraldi hasierako helburuak bete dituzte, bi taldeak euren mailako lehen postuko lehian izan dira eta igoera eskuratu dute. "Gure ordezkarien denboraldia biribila izan da," onartu dute klubeko kideek.