Ostadar Zikloturista taldea martxan eta kide berri bila

Txintxarri Aldizkaria 2025ko api. 3a, 09:30

Zikloturistak martxoan Zumaira egindako irteeran. Arg.: Ostadr SKT Zikloturistak.

Ostadar SKTko ziklotursita taldea martxoan jarri zen martxan. Itsasondo, Zumaia, Belauntza, Amezketa eta Iraetara egin dituzte lehen irteerak, baina aurten 3.000 kilometro baino gehiago batuko dituzte denboraldian zehar egingo dituzten irteeretan

Iganderoko hitzorduak 31 izango dira eta hilabetearen arabera, 8:30ean (apirila, iraila eta urria) edo 8:00etan (gainerako hilabeteak) hasiko dira Biyak Bat egoitzako atetik. Urteko hitzorduak azpiko taulan:

Apirila

6

Zaldibi – 75 km

13

Itziargo gaina – 80 km

20

Guadalupe - 68 km

27

Altzagarate – 72 km

Maiatza

4

Deba – 90 km

11

Mandubia - 96 km

18

Errezilgo Itzulia – 88 km

25

Ziburu – 85 km

Ekaina

1

Goizueta-Leitza – 95 km

8

Lizarrusti – 100 km

15

Mutriku – 100 km

22

Gabiri – 96 km

29

Artadi – 62 km

Uztaila

6

Gaintza – 80 km

13

Lastur – 90 km

20

Betelu – 76 km

27

Bedaio – 68 km

Iraila

7

Elkano – 54 km

14

S. Prudentzio Getaria – 52 km

21

Aldaba – 60 km

28

Arama – 68 km

Urria

5

Zestoa  – 70 km

12

Olaberria  Irun – 64 km

19

Oikia – 62 km

26

Izaskun – 45 km

Horiez gain, apirila eta uztaila artean, elkarte arteko probetan ere parte hartuko dute taldeko ausartenek, hala nola, Abraham Olano proba, Quebrantahuesos edo Indurain lasterketa. 

Laguntasuna xede

Taldearen helburuetako bat adiskidetasuna denez, bidai berezietan eta mahai inguruan ere biltzen da taldea arduradunek azaldu modura. 

Denboraldiaren aurrekari gisa, otsailean taldeak sagardotegia egin zuten Ostadarreko zikloturistek eta azaroan, irteerei amaiera emateko euren bikoteekin batera bazkaria antolatu ohi dute.

Taldeko kideak otsailean batu ziren sagardotegian. Arg.: Ostadar SKT Zikloturistak.

Bestalde, hiru irteera berezi ere prestatu dituzte taldeko kideek. Maiatzean Nafarroara egingo dute, zehazki Artatzara. Bizkaia eta Nerbio ibaiaren jaiotza izango dute jomuga ekainean eta uztailean Errioxako Calahorra herria bisitatuko dute.

Kide berrien bila

Errelebo falta dute, ordea. Zikloturista talde txirrindulari betaranoek osatua dago eta bere iraupena bermatzeko kide berriak, gizonezko zein neskak, behar ditu. Horregatik talderekin bat egiteko interesa dutenei Ostadar SKTko bulegora hurbildu eta informatzeko gonbita egiten diote.