Treba Gurasoak egitasmoare barruan, Amaia Arroyo adituak hitzaldi bat emango du ostegun honetan, Antonio Mercero aretoan, 17:30etik aurrera: 'Internet, pantailak, bideojokoak, sare sozialak... Onurak eta gatazkak. Nola kudeatu?' izenburupean, bertaratzen direnei hezkuntza eremuko tresna eta baliabideak emango dizkie, heziketa positiboa ardatz hartuta. Izena eman nahi dutenek kultura@lasarte-oria.eus helbide elektronikora idatzi behar dute. Parte hartzea doakoa dela zehaztu dute antolatzaileek.
Saioaren helburua da teknologia horiek familiaren barruan dituzten onurak eta arriskuak aztertzea. Nola eragiten dute gure seme-alaben garapen emozionalean eta sozialean? Zer muga ezarri behar dira? Nola sustatu erabilera arduratsua, gatazkarik sortu gabe eta bizikidetza zainduz? bezalako galderak mahaigaineratuko ditu Arroyok.