Apirilaren 7an hasiko da Euskal Herriko itzulia eta horrekin batera, Ostadar SKTk antolatzen duen txirrindularitza porra ere martxan jarriko da. Hori dela eta, apirilaren 1etik aurrera txartelak tabernetan eskuragarri izango dira; elkarteko webgunean ere izango da aukera boletoak egiteko.
Aurtengo berrikuntza sarien poltsan eta txartelen prezioan dago. Porretan puntuaketa gehien lortzen duen tiketak 1.800 euroko saria eramango du. Itzuliko bakoitzeko saridunak, aldiz, 800 euro eskuratuko ditu eta bigarrenak, 300 euro. Etapako saria 75 eurokoa izango da. Horretaz gain, urteko moduan, 6 urdaizpiko porrako zozketatuko ditugu parte hartzaile guztien artean.
Sarien zenbatekoa handitzearekin batera, txartelen prezioa ere igoko du elkarteak; boleto bakoitzak 10 euro balioko ditu.
1.800 euroko sari nagusia eskuratzeko lau porretan izen eman behar da eta txartelak izen bera izan behar du. Lehiaketako informazio gehiago eta oinarriak Ostadar SKTren webgunean daude eskuragarri.