Alauda Ruiz de Azua zuzendari bizkaitarrarena da lan hori eta saritua izan da Feroz nahiz Forque sarietan. Indarkeria matxista jorratzen duen telesail horrek ospe handia eskuratu du eta askok txalotu dute ikus-entzunezkoa eta baita protagonista hezurmamitzen duen Nagore Aranburu aktore azpeitiarraren lana ere.
'Querer' telesailaren lau atalak emango dituzte gaur kultur etxean
Martxoaren 8aren bueltako ekimenak egiten jarraituko dute gaur. Okendo Zinema Taldeak iragarri du 'Querer' telesail "txalotuaren" lau atalak proiektatuko dituela gaur, 20:00etatik aurrera, kultur etxeko auditorioan. Sarrerek 6 euro balio dute. Sexuen Elkarbizitzarako Emakumearen Zentroarekin elkarlanean gauzatuko dute jarduera hori.