Ohorezko ardoarekin topa eginda ekin diote Andaluzia eguna ospatzeari

Semblante Andaluz elkarteko kideek euren probintziaren egun handia ospatu zuten joan den ostiralean, otsailaren 28an. Ohitura bilakatu denez, bazkideak eta udal ordezkariak Atsobakarreko egoitzan elkartu ziren eta mokadutxo bat jan zuten, ardoarekin edalontziak bete eta topa egin ondoren. Horren aurretik, Mikel Laboaren 'Txoria txori' eta Andaluziako ereserkia kantatu zituzten. Bestalde, azken urtean elkarteko lehendakari izan den Jose Mari Melladok lekukoa eta egoitzako giltzak eman dizkio ardura hori hartu duen Fernando Cruzi.