Parte hartu nahi dutenek donazio bat egin beharko dute, gutxienez 20 eurokoa, aipatu elkarte horri laguntzeko. Bertaratu ezin dutenek ere lagundu dezakete; ekarpen ekonomiko hori Izan Iñurriren atari digitalean egin beharko dute. Bi yoga saio egingo dituzte Rafael Beckles eta Udane Arrizabalaga irakasleek, hurrenez hurren. Saio irekiak izango dira edozein mailatako pertsonentzat eta Mathilde Vlieg biolontxelo jotzaileak girotuko ditu. Amaitzean, oroigarri bana (Tavo Designs-ek elaboratutakoa) emango die Koöl Studioko lagunek parte hartzaile bakoitzari.
Bukatzeko, gosari bat emango diete herriko zenbait ekintzailek: Kairos Lasarte, Ilargi taberna, Ore Ama obradorea eta Berasategi Kafeak-eko jabe Leire Berasategi. Yoga egiteko materiala Xarma Psikoterapiak eramango du eta ekitaldiko argazkiak Idoia Telleria Maritxalar argazkilari profesionalak aterako ditu.