Plan bikaina aurrera eraman zuten Faktoria egitasmoko gazteek hilaren 21ean, Earra! bertso eskolako kideekin elkarlanean: bertso afaria, 21:30etik aurrera, Ttakunenea elkartean. Menu hauxe dastatu zuten, aurrena: olibak, fueta eta natxoak guakamolearekin, hasteko; saiheskiak letxuga entsaladarekin; eta, postrerako, Comtessa tarta izoztua. Afalostean hasi ziren bertsotan Maddi Lasa, Leire Ormazabal, Araitz Ramos eta Kattalin Lizarraga, Luken Garmendiak jarritako gaiei erantzunda.