Lehen jardunaldian alebinen txanda izan zen. Taldeek esku hutsik eta pilotarekin egin zuten lan eta bakarkakoek, aldiz, tresnarik gabeko dantzak eskaini zituzten. Aipatzekoa da bakarka Ariane Rodriguezek egindako lana. LOKEko prestatzaileek azaldu modura, B mailatik igo berri da Rodriguez eta aurkari onak izan arren, "ez zen kikildu eta bere indar eta espresio guztia erakutsi zuen bere dantzan". Horrek lehen postua eman zion.
Hurrengo egunean, berriz, infantilak atera ziren tapizera eta tresna ezberdinekin lehiatu ziren. Taldeek uztaiarekin prestatutako lanak aurkeztu zituzten eta bakarkakoek, aldiz, sokarekin.
Talde guztiak ederki lehiatu ziren, nahiz eta aurreko egunean P1ak kide bat galdu lesioarengatik. Lehiaketan gainerako lau kideek aurkeztu zuten koreografia eta Paula Martinez entrenatzailearen eta gazteen lanari esker, ederki moldatu ziren.
Bakarkakoei dagokionez, Aiala Jimenez ederki jardun zen A mailan eta Oihane Portuburuk urduritasunarengatik hainbat akatsak egin eta horiek puntuazioan kaltetu zutela aipatu dute entrenatzaileek.
Hemen emaitza guztiak:
|
|
|
|
|
|
Benjaminak, tapizera
Amateur eta eskolarteko mailako gimnastez gain, taldeko txikiek ere euren dohainak erakusteko aukera izango dute benjamin topaketan. Hilaren 22an, Hernaniko kiroldegian, Landaberriren izenean hiru talde izango dira euren lanak erakusten.