Euskal Herriko absolutu zein junior mailako txapelketa jokatu zen Iruñeko Amaya kiroldegian. Buruntzaldea IKTko zazpi igerilari eta Bidasoa XXIeko Iñaki Garcia herritarra izan ziren lehian.
Markak ondu zituzten eta lehen hamarren artean izan ziren herriko ordezkariak. Garciak eskuratu zituen emaitzarik onenak junior mailan. Buruntzaldea IKTko Garazi Etxeberria ere podiumetik gertu izan zen 50 m. libre proban.
|
|
Horrez gain, erreleboak ere lehiatu zituzten herriko ordezkariek. Buruntzaldea IKTko kideak 4x100 m. eta 4x200m. libreetan egin zuten igeri eta lan ederra egin zuten proba luzean. Garcia, aldiz, lehen postuetan izan zen 4x50 m. eta 4x100 m. probetan.
Buruntzaldea IKTko kideentzat erronka handia izan zen 50 metroko igerilekuari aurre egitea, baina "sekulako etekina" atera ziotela onartu dute igeriketa taldeko prestatzaileek.
Domina ugari
Bestalde, Buruntzaldea IKTko beste zazpi igerilari III. Abiadura Saria jokatu zuten Zarautzen, Aritzbatalde igerilekuan.
Guztiek bakarkako bi probatan egin zuten igeri. Aukeratu zuten estiloko 50 m. edo 100 m. proba eta denentzat derrigorrezkoa zen lau estiloetako 100 metrokoa. Horretaz gain, estilo libreko 4x50 m. erreleboan ere parte hartu zuten taldeko neskek.
Igeriketa taldeko ordezkariek txapelketa ona osatu zuten, eta markarik onenak lortu zituzten proba askotan:
|
|
Lehiaketa horretan parte hartu zuten Amaiur Iparragirrek eta Itxaso Iparragirrek ederki baliatu zuten proba hitzordu garrantzitsu bat prestatzeko, infantil mailako Euskal Herriko Txapelketa. Lehiaketa Irungo Azken Portu kiroldegian jokatuko da hilaren 22an eta 23an.
Igerilekua itxia lehiagatik
Bien bitartean, bi lehiaketari aurre egin beharko diete taldeko txikiek hilaren 15ean Maialen Chourraut kiroldegian. Eta beraz, igerilekua itxia egongo da erabiltzaileei 15:30etik 20:00etara.