Exiquio Perez hil da

Urte berriko aurreneko berri tristeetako bat izan da Exiquio Perez herritarraren heriotza, 81 urte zituela. Urte luzez jardun zen Biyak Bat elkarteko egoitzako zuzendaritzan, ahal izan zuen guztian laguntzen. Horrez gain, oso ezagun eta maitatua egin zen udalerriko elkarte eta eragileen artean, bideokamera eskuan, zientoka ekitaldi grabatu zituelako (horien artean, Euskararen Maratoia), beti irribarretsu. Gaur arratsaldean egingo dute bere omenezko hileta, San Pedro parrokian, 19:30ean.