Goiz eta arratsaldekoa izango da urteari mozorrotuta agur esateko festa

Txintxarri Aldizkaria 2024ko abe. 31a, 07:00
Deskargatu Info Ahotsak :
es en fr

Korrikalari batzuk, iazko San Silvestre lasterketan helmugaratzen.

San Silvestre lasterketaren zortzigarren aldia aurrera eramango dute gaur Lasarte-Orian. LOZET elkartearen erraldoi eta buruhandiek irekiko dute egitaraua, Oaintxe in deu! txarangak lagunduta, 11:00etan, Okendo plazan. Beste jarduera ugari egingo dituzte horren ostean eta ekimen nagusia, jakina, 16:00etan hasiko den lasterketa izango da. Korrikalariek eta ipar martxalariek parte hartuko dute; 1 zenbakidun dortsala Ostadar Ipar Martxako lagunek eramango dute, aurten 10 urte bete dituztelako.

  • 11:00etan LOZETeta Oaintxe in deu txaranga.
  • 11:30etatik 13:00etara pintxo-pote solidarioa. Ekimen horretan bildutako dirua Gipuzkoako Diabetes Elkarteari (AGD) emango diote.
  • 12:00etan haur kanpaikadak Porrotxen laguntzarekin.
  • 15:30ean proba aurreko beroketa musikatua Saito Gimnasioarekin batera.
  • 16:00etan lasterketa.
  • Ondoren, kategoria bakoitzeko sarien banaketa.

Arratsaldeko lasterketako dortsalak jasotzeko azken aukera izango dute parte hartzaileek, Antonio Mercero gunean, 10:00etatik 12:00etara. Bestalde, antolatzaileek ohartarazi dute trafikoa moztuko dutela 16:00etatik 17:30era, festa giroko kirol proba hori dela-eta.

Kirola