Nightdale Gospel Quintet boskote frantsesak gospel emanaldia eskaini du larunbat iluntzean Manuel Lekuona Kultur Etxean. Auditorioaren erdia bete duten herritarrek zuzeneko piano doinuak lagunduta abestu duten lau emakumeen ahots ikusgarriez gozatu ahal izan dute. Taldean edo bakarka aritu dira, batzuetan musikaren laguntzarik gabe ere, rhythm&blues eta soul estiloko kantak eskainiz.