Alkateak gogora ekarri du azaroan martxan jarri zen parte hartze prozesuarekin ekin zitzaiola sarituak erabakitzeko bideari. Herritarrek egindako proposamenak guztira sei izan dira eta horien artean kirol batzordeko mahaiak sarituak aukeratu ditu. Hautagaitzak honakoak izan dira sarika:
| Emakumezko kirolari onena | Gizonezko kirolari onena | Kirol Ibilbidea |
|
|
|
Eta horien artean, hilaren 15ean, aipamena jasoko duten herritarrak koadroan beltzean agertzen diren Belartieta, Martin eta Solano izango dira.
Kirol gala
Ilusio handiarekin antolatutako gala dela nabarmendu du Pildainek. "Gure herriko kirola sustatu eta kirolariei bultzada bat emateko modu ederra da," aipatu du kirol zinegotziak. Ekitaldian saribanaketaz gain, Verdini dantza taldearen emanaldiaz gozatu ahalko dela ere jakitera eman du.
Sarrera doakoa eta herritar guztiei irekia da. Hala ere, txartela beharko da saribanaketa ikusteko; ekitaldia hasi baino lehen, banatuko dira leihatilan sarrerak.
Udal ordezkariek aurreko urteetako sarituak, herriko kirol elkarteak zein herritarrak gonbidatu dituzte galara, "gure herriko kirolariek herritarren berotasuna jaso dezaten; gazteek herrian dauden maila handiko kirolariak ezagutu eta egunen batean oholtzan egotea nahi izan dezaten".