Saskibaloiko 3x3 txapelketako izena ematea ireki du Ostadarrek

Txintxarri Aldizkaria 2024ko aza. 29a, 15:30

Arg.: Ostadar Saskibaloia.

Ostadar Saskibaloi atalak 3x3 txapelketako edizio berri anatolatuko du. Hitzordua abenduaren 28an izango da Maialen Chourraut kiroldegiko kantxan. Mailaren arabera goiz edo arratsaldean lehiatuko dute parte hartzaileek. Izena ematea ireki dute

Abenduko ateetan, Ostadar saskibaloi atalak aurten ere 3x3 txapelketa antolatuko duela iragarri du. Gabonetako oporraldia, zehazki, abenduaren 28an goiz eta arratsaldez 2014 urtetik gorako haur, gazte eta helduek osatutako taldeek jardunaldi ederraz gozatu ahalko dute.

Goizean benjamin eta kadete arteko mailetako lehiak izango dira; arratsaldean, aldiz, junior eta seniorrak.

Antolatzaileek jakitera eman dutenez taldeak gutxienez hirukoak izan behar dira eta gehienez lau pertsonetakoa. Izena ematea formulario bidez egin behar da eta talde bakoitzak 10 euro ordaindu behar ditu. Inskripzioa egiteko azken eguna abenduaren 15a izango da.

Txapelketaren gaineko zehaztasun gehiago kalean jarriko diren karteletako QRa eskaneatzean, 623 168 395 zenbakian edo saskibaloi saileko instagram kontuan (@ostadar_saskibaloia) eskuratu dezakete interesdunek.