Beltzak Errugbi Taldearen saski oparoaren txartelak salgai daude

Gabonak ate joka ditugu eta Beltzak Errugbi taldeko kideek aurten ere primerako saskia zozkatuko dute. Hala nola, telebista bat, haragikiak, arrainkiak, kilo bat angula edo hamaika jatetxe, erretegi eta tabernatetako afariek osatzen dute otar berezia. Txartelak ohiko taberna eta dendatan eskura daitezke euro batean, baita taldeko kide edo eskolako gazteen bitartez ere. Abenduaren 21eko ONCEko azken lau zenbakiekin bat datorren txartela izango da irabazlea. Batzen den dirua Errugbi eskolara bideratuko du Beltzak RTk.