Irteera puntutik atera eta helmugara iristen lehenetarikoak patinatzaileak izan ziren. Maila horretan Lasarte-Oriako hiru ordezkari izan genituen lehian, hirurak gizonezko mailan eta horietako bat, Tolosako Irristaka taldeko Ximon Villalobos Alvarez lehen sailkatuen artean izan zen.
Lasterketa ederra egin zuen gazteak. Azken zuzenguneko esprintean indarrak falta izan zitzaizkion Villalobosi Aitor Vacas Agorreta garailea gainditzeko (36.26); herritarra segundo eskasera iritsi zen.
Korrikalariak
Korrikalarien probari dagokionez, Chakib Lachgar Lachgar (01.02.19) eta Mireia Guarner Piquet (01.13.54) izan ziren garaileak.
Lasarte-Oriako lasterkariak 133 izan ziren eta Jon Presa Herranz eta Julen Ormazabal Ortega korrikalarien artean lehiatu zen herritar azkarrenaren titulua. Bidea elkarrekin egin zuen bikoak eta Bulebarreko zuzenguneko azken metroetan Ormazabal (01.16.36) segundo batzuengatik aurreratu zitzaion Presari (01.16.39). Emakumeen mailan, Maite Salazar Badiola izan zen herritarren artean lehena (01.31.01).
|
|
|
