Loidibarren pilotalekuan hilaren 18an jokatutako neurketetan nagusi izan ziren herriko pilotariak. Infantil 2 mailako Lasak Añorgako Azurmendi gainditu zuen 2-0 (8-2 eta 8-3), gomazko palako bikoak Beotibar 1 25-13 garaitu zuen eta eskuz binakako Nagusien 3. mailako bikoteak Ezker Hormako final laurdenetara egin zuen pausoa; 22-13 gailendu zitzaion Azkoitia Oteiza 1 bikoteari eta Tolosa 1 izango du aurkari.
Pilota eskolako gainerako kideek ere primeran hasi zuten lehia kanpoan. Honakoak izan ziren emaitzak: Infantil 1. maila, LAPKE 1-2 (2-8, 8-3 eta 2-4) O. Jauregi; Infantil 2. maila, Izurun 0-2 (1-8 eta 1-8) Iparragirre; Arkirun 0-2 (3-8 eta 1-8) Lopez eta Alebin 1. maila, Azkoitia Oteiza 0-2 (1-8 eta 0-8) I. Jauregi.