Irailaren 25ean, Europako Ligan debuta egin zuen Nizaren aurka. Lasarte-Oriako defentsa hamaikakoan atera zen zelaira. Herritarrak lan ederra egin zuen defentsan eta Realak bana berdindu zuen.
Hilaren 3an ere hamaikakoan izan zen Martin Anderlechen aurkako neurketan (1-2). 59. minutuan aukera ederra izan zuen buruz gola egin eta berdinketa eskuratzeko, baina langa gainetik joan zen.
Ligako etenarekin bat, hilaren 9tik 15era, Lasarte-Oriako jokalaria Espainiako 19 urtez azpiko selekzioarekin lehian izan da Bucarest, Errumanian. Alemania, Norvegia eta Errumania izan dituzte aurkari Nazioarteko torneoan eta lehen bietan hamaikakoan izan da Martin; porrot, garaipen eta berdinketa bana eskuratu ditu taldeak.