Okendo plazan izango dira antolatutako ekimenak, eta herritarrak horietara joan daitezen gonbidatu dituzte udal ordezkariek. Horrez gain, baserritar janztera ere deitu dituzte.
Honako hau da egitaraua:
- 10:00etan, diana herriko txistularien eskutik.
- 16:30ean, herri kirolak Bihurri taldearekin.
- Lau aizkolarik, bi harri jasotzailek parte hartuko dute, eta iparraldeko jokoen erakustaldia ere izango da. Guzti horren berri esatari batek emango du, zuzenean. Harrijasotzaileak Oker harria jasotzen saiatuko direla ere aurreratu dute.
- 18:30ean, erromeria Jaian Jai taldearen eskutik.
Afixa iragarlea
Euskal Jaia iragarri eta egitaraua ezagutarazteko antolatzaileek prestatu duten afixak irudi historiko bat erakusten du. 1934. urtean herrian aurrera eramandako Euskal Jai baten argazki bat da, Kutxa fototekaren bitartez eskuratu dutela jakinarazi du Ugartek. Bertan ikus daitezke garai hartako herritarrak, baserritar jantzita, Hipodromo inguruan.