TXINTXARRI aldizkariaren lantaldearen partez, zorionak bi irabazleei eta eskerrik asko aurtengo lehiaketan parte hartu duzuen guztioi! Horrekin batera, eskerrik beroenak epaimahaikideei: Aldikako langileak, Isaac Farre eta Haritz Salaberria.
'Sorginak etxera bueltan' eta 'ETXEruntz' argazkiek irabazi dute udako lehiaketa
Artikulu hau ilustratzen duten bi argazki ederren egileek irabazi dituzte TXINTXARRI-ren udako argazki lehiaketako sariak: epaimahaiarena, Juan Mari Apaolaza Estensororen Sorginak etxera bueltan irudiak; irakurleena, berriz, Isa Fernandez de Agirreren ETXEruntz-ek. Aldikaren kutixia sorta bat eta Errigora produktuen saski bat etxeratuko dituzte, hurrenez hurren.