Urriaren 7an urtebete beteko da Israelek Gazaren aurkako erasoaldia hasi zuenetik, eta data hori aitzakia hartuta, urriaren 1ean Ehun urteko gerra Palestinaren aurka, kolonialismoa eta erresistentzia 1917-2017 liburuaren aurkezpena iragarri du Lasarte-Oria Palestinaren alde herri dinamikak. Iñaki Alegriak aurkeztuko du Rashid Khalidi idazlearen liburua, Mercero aretoan, 19:00etan, eta antolatzaileek aurreratu dutenez, Mikel Zinkunegi arduratuko da saioa bideratzeaz.
Horren aurretik, gainera, ordu erdi lehenago, elkarretaratze bat deitu du aipatu dinamikak; Askatasunaren parke ondoko etxebitzen azpian margotuta dagoen Palestinako bandera duen horma inguruan aurrera eramango dute hori. Horrez gain, manifestaziorako deialdia ere egin du. Urriaren 7an izango da hori, astelehenarekin, sarraskia hasi zelnetik urtebete beteko den egunean, 19:00etan Okendo plazatik abiatuta.