Jon Pello Artetxek eta Peru Urdanpilletak gogoz hasi zuten neurketa eta aurretik joan ziren lehen zatian. Aurreko jokoarekin egin zuten min Intzako pilotariek eta zazpi bat tantoko errenta mantendu zuten.
Baina Tolosako bikoteak ez zuen amore emango. Saralegui atzelaria jokoan sartu zen eta sendo egin zien aurre Intzako kideei. Horiek huts ugari ere izan zituzten eta ondorioz, 20-19 gerturatu ziren aurkariak markagailuan.
Azken tantoetan, norgehiagoka etxean geratzeko borroka ederra egin zuten Intzako kideek, baita lortu ere. 22-19 irabazi zuten partida.
Hitzorduak
Aste honetan kanpoan jokatuko du Nagusien 3. mailako bikoak Egian, Donostian. Alde Zaharra izango du aurkari.
Gomazko palako 3. mailako bikoteak lehengo asteburuan atseden izan zuen bere aurkari Añorga 2 bikoteak txapelketa utzi duelako. Aste honetan Zumarragara egingo dute bidaia ostiralean; bertan Belokiren aurka neurtuko dituzte indarrak.