Arratsaldeko eta Gelaberten lehena, Aspace Gipuzkoa saria izan zen Haya Taal gidatuta; azken 300 metroetan probako burua hartu eta ongi mantendu zuten postua.
Jarraian, borroka ederra ikusi izan zen Eelite Equestrian sarian. Bastiano/Mouesan bikoak gidatu zuten lasterketa eta proba irabaziko zuela zirudien arren, atzetik zetorren Tammni/Sousa bikoa ondoan jarri eta azken metroetan saria kendu zion eskuetatik.
Bugati erretegia sarian, El Sokhna/Gelabertek errenta ederra atera zien aurkariei helmugan eta Upsilonekin ere erraz gailendu zen Madrilgo jockeya Real Sociedad de Carreras de Caballos de Sanlucar de Barrameda sarian.
Eta denboraldiari agurra emateko Loaiza/Marchelok Digitalak saria irabazi zuen.